فن و منوعات

عبر من كورونا للشاعر عادل خداج

إلى كل أممي يحمل الروح الانسانية على هذا الكوكب

      ……….

 

متوحّشة يا رأسمالية..

كذبة انتشرتي بإسم حريّة

الدنيا ملانة منّك شياطين

سرقة شعوب وانتهازية..

كلّ البشر أرقام محسوبين

عندك فقط أرقام ماليّة..

إم الشفط لَ نفط المساكين.

وأكبر عصابة من الحراميّة..

باللون عم بتاجرو وبالدين.

خربتو الدني زرعتو الكراهيّة.

حميتو العصابة السرقت فلسطين.

وسرقتو خيرات العربيّة..

وأزلامكم لليوم مبطوحين

للكذب للتزوير غنيّة..

طلّت كورونا وانكشفتو مين

وحوش ال بنهش الناس ملهيٍة.

شوفو بأوروبا كيف مفجوعين.

وشوفو وهم كذبة امركيّة

لا مستوى صحّي ولا تأمين

حتّى ولا كمّامات يا خيّي.

بعدو هوى لبنان من صنّين.

بيسوى كذب أوهام غربيّة

يا نمر من كرتون موصوفين.

من ماوتسي تونغ بروح ثوريّة.

شوفو الفرق يا عقول مهزومين.

بين التآمر والعصاميّة.

شوفو الحضارة اللي بلاد الصيّن.

تساعد الكون بلا أنانيّة..

شوفو بكوبا والغيفارييّن..

صوت الشعوب الصادقة النيّة..

شوفو بروسّيا وطن لينين..

الصحّة بإيد شعوبها الحيّة

وبتظلّ أشرف منكن قوانين

العاشت زمان الاشتراكيّة.

وبلا كورونا انتو موبوئين.

طلّت كورونا تكشف الأشرار

وتجدّد الروح الأمميّة..

الشاعر عادل خدّاج

     …………………….

مقالات ذات صلة

زر الذهاب إلى الأعلى